جيان ، تجربه سيئة في التسوق .

السلام عليكم ورحمه الله وبركاته .. 

اليوم بتكلم عن تجربتي في التسوق من جيان تسوق مباشر طبعاً .. 

جيان سوبر ماركت كبير ومعروف ومتفرع في اغلب الدول ، وله فروع كبيره واسم كبير .. 

طبعا انا من مرتادي جيان ، واحب اشتري منه بعض الاغراض التي لا اجدها الا فيه ، لكن للاسف جيان تعتمد طريقه 

مزعجة جداً بسبب اسعارها الوهميه احيانا .. 

كثير مرات اجد سعر مكتوب تحت البضاعه وعند المحاسبه يطلع السعر مختلف تماماً . 

لو كان الامر مره مرتين ممكن يتعدى لكن ان يتكرر كثيراً فهذا جداً مزعج وهالتدوينه بمثابه تحذير عند التسوق 

عند جيان او غيرها راجعوا الفواتير وعند الكاشير بعد .. 

كذا مره امي ترجع اغراض وتقول مكتوب عليها كذا ليش تحاسبونها كذا ومرات اقول لامي لا يمكن شفتي سعر منتج آخر 

خاصه في المنتجات الي تكون عليها عروض تجدي كثير اسعار جنب بعض لعده منتجات .. 

الغريب ايضا احد المشاركات في الانترنت وجدت نفس المشكله تشتكي وهي في المملكه العربيه السعوديه ونفس الشي 

تشتكي من امر الاسعار التي تاتي مختلفه عند الكاشير .. وكذلك الاكواد الخطأ التي تحاسب عليها .. 

سأتكلم عن اخر تجربه شراء .. 

وجدت مجموعه مبارد للاظافر عباره عن مجموعه مرقمه من ١ الي ٣ والسعر كان ٦٠٠ فلس مكتوب تحتها . 

وعند المحاسبه استغربت اني المبلغ كبير وانا حاسبه اغراضي قليله وسعرها لا يصل لهذا وجدت ان سعرها دينار و ٤٩٠ فلس

يعني الفرق زياده ٨٩٠ فلس.. 

طبعاً ما سكت وقلت للكاشير رجعيه انا اخذته ع حسب السعر المكتوب عليه ٦٠٠ فلس قالت

  No mam it,s 1.490 KD 

then why there it's 600 fils 

maybe one customer change the place .. 
ما عرفت شنو تقول الله يا الكذبه ( قال زبون غير مكان المنتج تحت سعر آخر ) 

لولا اني مستعجله كانت جادلت معاها اكثر وكمان هي مجرد محاسبه ما لها شغل ،. بعدها كملت الاغراض والا ماما جايبه خوخ قال لها بسعر وحاسبته بسعر آخر رجعته لاني نفس المشكله والمصيبه مكتوب بالفاتوره لما اعطتني ايااها .. 

pear يعني كمثره

كل هالنصب والاحتيال مشترين خوخ بالفاتوره يحاسب على انه كمثره والسبب ايش .. الكود مختلف 

قليل من الناس تعرف الانجليزيه ، قليل من الناس تهتم بمراجعه الفاتوره والاسعار ، قليل من الناس تاخذ الفاتوره 

قليل من الناس الذي يهتم لو فرق السعر عند الكاشير شيء بسيط وياخذه بدل ما يرجعه لانه يخجل يرجع شي من اجل حاجات بسيطه . 

كل هذه الاسباب تجعلنا عرضه سهله للنصب والاحتيال من قبل السوبر ماركت والاسواق وغيرها .. 

ارجو الانتباه عند التسوق .. 

١- راجعو مشترياتكم جيداً وانتبهوا للاسعار حتي عند الكاشير . 

٢- احرصوا علي اخذ فاتوره ومراجعه كل المنتجات وسعرها حتي لو وجدت فرق يمكن ارجاع المنتج بسرعه . 

٣- لا تخجل من ارجاع منتج لاجل فرق بسيط ، لان لو رجعت المنتج تعطيهم درس ولا تجعل نفسك عرضه للخداع والنصب والاحتيال . 

٤- احرصوا علي الوعي في الشراء وقارنوا المنتجات بين مراكز التسوق واسعارها حتي لا تنخدعوا . 

٥- لا تتهانوا ابدا في حقوقكم . 

اتمني تكونوا استفدتوا من التدوينه البسيطه هذه وتكون كاضاءه  بسيطه لننتبه في المرات القادمه اثناء التسوق